Manchester City ofron Kovacic në treg, e ardhmja e kroatit në pikëpyetje

Manchester City, kampioni në fuqi i Premier League, ka njoftuar se mesfushori kroat Mateo Kovacic është i lirë të kërkojë një klub të ri gjatë afatit kalimtar të verës. Ky vendim vjen pas një sezoni të vështirë për 32-vjeçarin, i cili u përball me dëmtime të shumta dhe humbi vendin e titullarit në hierarkinë e mesfushës së drejtuar nga Pep Guardiola.

Kovacic, i cili ka edhe një vit të mbetur në kontratën e tij me klubin anglez, ka zhvilluar vetëm nëntë ndeshje gjatë sezonit të kaluar, duke mos arritur të lërë gjurmë të qëndrueshme. Situata e tij është komplikuar më tej nga strategjia e ardhshme e klubit lidhur me afrimet e reja. Pritet që Manchester City të nënshkruajë me Elliot Anderson nga Nottingham Forest, një lëvizje që do të kërkojë lirimin e hapësirave në skuadër dhe reduktimin e numrit të lojtarëve.

Mesfushori kroat shpreson që paraqitjet e tij me Kombëtaren e Kroacisë, sidomos ato në Kupën e Botës 2026, të kenë tërhequr vëmendjen e klubeve të tjera europiane. Përvoja e tij ndërkombëtare dhe cilësitë e treguara në gara të mëdha mund të jenë një avantazh për të gjetur një destinacion të ri.

Për momentin, nuk ka pasur oferta konkrete për shërbimet e Kovacic. Klube të ndryshme po monitorojnë situatën, por ende nuk ka ndërrmarrë hapa zyrtarë për të siguruar nënshkrimin e tij. Kjo gjendje pasigurie lë të hapur të ardhmen e lojtarit, i cili do të duhet të vlerësojë me kujdes opsionet e tij për të vazhduar karrierën në nivele të larta.

Largimi i Kovacic mund të shënojë fundin e një periudhe të shkurtër me Manchester City-n, ku ai nuk arriti të përmbushë pritshmëritë dhe potencialin e tij të plotë. Klubi, nga ana e tij, duket se dëshiron të freskojë mesfushën dhe të krijojë një ekip më dinamik për sfidat e ardhshme, si në Premier League ashtu edhe në Ligën e Kampionëve.